Ca. finais s. XIII – principios s. XIV. 88 folios de pergamiño, 443 x 334 mm. 310 cantigas de amor sen rúbricas atributivas. Acéfalo e inacabado. Códice decorado e con espazo para a notación musical. Encadernado en carneiro no s. XVI xunto cunha copia do Livro de Linhagens do Conde D. Pedro.

Antigo Colocci-Brancuti. Italia, ca. 1525 -1526, mandado copiar por Angelo Colocci. 356 folios de papel, 280 x 210 mm. 1567 cantigas con rúbricas atributivas e textos anexos. Incompleto.

Índice de B, elaborado por Angelo Colocci, recolle o nome dos trobadores e o número da cantiga que inicia a súa produción.

1 folio de pergamiño, 456 x 268 mm., ca. primeira metade s. XIV. Fragmentos de 7 cantigas de amor de Don Denis con notación musical.

215 x 145 mm. Primeiras décadas do s. XVI. Copiado por encargo de Angelo Colocci. Contén os cinco lais de Bretanha transcritos a todo o ancho da páxina.

275 x 200 mm. Texto copiado por Luís da Gama no s. XVII, a dúas columnas, con cada estrofa precedida do respectivo nome do trobador. Vai introducido por unha nota que di “No mesmo livro estavam as trovas seguintes / Trovas de dom Afonso Sanches filho del Rey dom / Denis a Vasco Martinz”. Hai unha copia deste ms. na mesma Biblioteca, no Ms 3267, fol. 72r.

1 folio de pergamiño, 340 x 460 mm., ca. finais do s. XIII – principios do XIV. 7 cantigas de amigo de Martin Codax con rúbrica atributiva e notación musical (salvo para a cantiga 6).

Tres páxinas de papel (199 x 149 mm.) do s. XVII, precedidas da seguinte epígrafe “Trovas / de D. Afonso Sanches filho del Rei D. Dioniz a / Vasco Martinz de Resende e resposta do mesmo/ acharaõse entre os papeis do grande Mes/tre Andre de Resende, e estavão postas em solfa”. Texto disposto nunha soa columna, cos nomes dos trobadores introducindo as cobras.

Italia, ca. 1525-1526. Comitente: Angelo Colocci. 210 folios de papel de 300 x 200 mm. 1193 cantigas con rúbricas atributivas e textos anexos. Inacabado. Existe unha copia (ca. 1600) deste cancioneiro, conservada na Bancroft Library da UC-Berkeley.